Detaljerte skildringar av drap og overgrep er ein del av arbeidskvardagen til krimjournalistar. I tillegg til å måtte handtere sterke inntrykk, må journalistane forholde seg til etiske og moralske vurderingar som kan vere krevjande.
Trond Idås i NJ har undersøkt kva psykiske påkjenningar journalistar blir utsett for i samband med krevjande oppdrag. Connie Bentzrud har lang erfaring med å dekke saker om overgrep og mishandling av barn, og har sett og høyrd ting som er så grusomme at ho aldri vil gløyme det. Kristin Eide er journalist i Hordaland Folkeblad, og har mellom anna dekka overgrepssaka i Ullensvang, som har gått i tingretten i år.
Dei skal snakke om korleis det er å dekke denne typen saker og kva kollegaer og leiinga kan gjere for å førebygge at inntrykka fører til at journalistane får psykiske problem.