Hauststormen 2024

Dagleg satsar han livet for å formidle tragediane som skjer i Gaza til omverda. Han har mista mange familiemedlemmer, kollegaer og venner i krigen.Trass faren for å bli treft av dødelege våpen, står han framfor kamera og rapporterer live til ein av dei store, utanlandske tv-kanalane. Militæroperasjonen i Gaza etter det brutale Hamas-angrepet i Israel 7. oktober i fjor, har i følgje FN gjort Gaza-krigen til den mest dødlege og farlege konflikten for journalistar i moderne tid. Utanlandsk presse får ikkje tilgang til regionen. Etter meir enn 20 år som fotograf og reporter i Gaza er han ein av dei mest erfarne reportarane i området. På Hauststormen blir han med live frå Gaza.