Trippeldrapa i 2024 Bjørn Ivar Bergerud, journalist i Romerikes blad og Tor Folgerø, journalist i Hallingdølen, starta begge året med uvanlege oppdrag. Trippeldrap rysta lokalsamfunna dei sjølv er med i. Dei fortel om korleis det er å dekke slike drap, uvanleg i Norge, korleis dei jobba, kva dei kjende på sjølv og korleis det er å treffe pårørande, naboar, vener og kjende på butikken og på gata. Dei er begge røynde journalistar. Bergerud har tidlegare dekka Orderud-drapa og ei rekkje andre spesielle drapssaker. Folgerø stod for mykje av den lokale dekkinga i kjølvatnet av 22. juli.